Ilir Blakçori rikthehet te Llapi.

Ilir Blakçori është rikthyer sërish te Llapi pas katër sezoneve të kaluara te Drita.

Klubi i Llapit ka njoftuar zyrtarisht për arritjen e marrëveshjes me mbrojtësin e majtë, por nuk zbuloi detajet e kontratës.

Klubi nga Podujeva e vlerësoi si të rëndësishëm rikthimin e 30-vjeçarit, pasi në njoftim u theksua së në sezonin e ardhshëm barrën kryesore do ta kenë futbollistët nga ky qytet.

Njoftimi i plotë nga KF Llapi:

“𝗜𝗟𝗜𝗥 𝗕𝗟𝗔𝗞𝗖̧𝗢𝗥𝗜 𝗥𝗜𝗞𝗧𝗛𝗘𝗛𝗘𝗧 𝗡𝗘̈ 𝗦𝗛𝗧𝗘̈𝗣𝗜 ⚪️🔵

Kemi kënaqësin t’iu njoftojmë se kemi arritur marrëveshje me futbollistin llapjan, mbrojtësin e majtë, Ilir Blakçori.

Blakçori rikthehet në shtëpi pas katër vitesh të kaluara tek skuadra e Dritës, ku ishte ndër futbollistët më të mirë.

Marrëveshja me Ilirin është finalizuar në orët e vona të ditës së shtunë ku prezent ishte edhe Presidenti i klubit, z. Beqir Batatina.

Projekti i nisur nga drejtuesit e klubit për edicionin e ri 2023/24 është projekt i bazuar në ekip të prodhimit vendor, pasi që barrën kryesore do ta mbajnë futbollistët llapjanë.

Iliri ka qenë gjithmonë futbollist që për ngjyrat e klubit e ka lënë edhe zemrën në fushë, e i tillë do jetë sërish.

Guri i rëndë peshon në vend të vet, na priftë e mbara së bashku!”.

Komento:

	Komenti