Konjufca pyet Ahmetin: Pse Mustafa bënte të rrëzohej me votat e serbëve, e Haradinaj jo? – Ora Info Ballina | ORAinfo.com - Nuk ndalet
Lajmet e fundit
0 °C

Konjufca pyet Ahmetin: Pse Mustafa bënte të rrëzohej me votat e serbëve, e Haradinaj jo?

14:40 | 12 Korrik 2019

Glauk Konjufcka thotë se Shpend Ahmeti po frikësohet nga zgjedhjet dhe kjo sipas tij është arsyeja pse partia e tij nuk po i jep votat për rrëzimin e Qeverisë ‘Haradinaj’.

Shefi i grupit parlamentar të Lëvizjes Vetëvendosje, Glauk Konjufca ka deklaruar se mocioni për rrëzimin e Qeverisë është dashur të dilte në Kuvend në muajin qershor.

“Lëvizja Vetëvendosje ka pas shpresë që do të arrihej konsensus mes opozitës që mocioni të dilte në Kuvend më së largu në fund të qershorit. LDK nuk e ka pas të njëjtin qëndrim, ndoshta kjo lidhet me zgjedhjet e tyre të brendshme, nuk e di, duhet t’i pyesni”, tha Konjufca.

Konjufca tha se janë krijuar kushtet objektive që me ndodhë një mocion brenda Kuvendit të Kosovës për rrëzimin e Qeverisë.

“Shpend Ahmetit duhet t’i bëhet një pyetje, pse është rrezuar Isa Mustafa me votat e Listës Serbe, e Haradinaj jo. Mendoj që Shpend Ahmeti nuk e ka zorin te votat e Listës Serbe por e ka te rezultatet e sondazheve”, tha Konjufca.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!