Koronavirusi nuk po i lë të qeta klubet nga Serie A.

Parma ka njoftuar se një anëtar i ekipit të parë të klubit është testuar pozitiv për COVID-19. Në komunikatë të Parmas sqarohet që i prekuri nuk po shfaq simptoma, nuk është lojtar dhe është vetizoluar.

“Parma Calcio 1913 raporton se në raundin e fundit të testimeve, ka dalë një rast pozitiv për COVID-19. Bëhet fjalë për pjesëtar të stafit të ekipit të parë.

Personi në fjalë, që është plotësisht pa simptoma, është izoluar në përputhje me udhëzimet”, thuhet në njoftim.

Rezultati i testimit të të tjerëve ka dalë negativ, ka njoftuar Parma. Skuadra tani duhet të qëndrojë dy javë në kompleksin stërvitor, në bazë të protokollit. Por ndeshjet do të vazhdojnë normalisht.

Komento:

	Komenti