Studimi: Koronavirusi mund të zgjasë në sipërfaqe deri në 17 ditë.

Koronavirusi mund të zgjasë në sipërfaqe deri në 17 ditë, sipas hulumtimit mbi anijen e lundrimit Diamond Princess të goditur nga sëmundja.

Gjurmët e infeksionit vdekjeprurës u gjetën në kabinat e braktisura më shumë se dy javë pasi udhëtarët ishin evakuuar, shkruan Daily Mail, transmeton lajmi.net.

Anija gjigante u bë një vatër e rasteve të COVID-19 në shkurt, me më shumë se 700 pacientë të prekur nga viursi.

Studimi, i publikuar nga zyrtarë shëndetësorë amerikanë, sugjeron që virusi është i aftë të qëndrojë në sipërfaqe për më gjatë se sa mendohej.

Deri më tani, provat kanë treguar që koronavirusi mund të zgjasë në sipërfaqe plastike për tre ditë.

Shkencëtarët nuk testuan nëse virusi akoma mund të shkaktojë infeksion tek njerëzit pas 17 ditësh.

Komento:

	Komenti