Kosova ia ‘terron’ Bullgarisë në Sofje, realizon fitore historike – Ora Info Ballina | ORAinfo.com - Nuk ndalet
Lajmet e fundit
0 °C

Kosova ia ‘terron’ Bullgarisë në Sofje, realizon fitore historike

22:42 | 10 Qershor 2019

Kosova ka mposhtur Bullgarinë me rezultat 3 me 2.

Kosova ka përmbysur gjithçka dhe ka realizuar fitore historike 3-2 ndaj Bullgarisë në Sofje, e vlefshme për kualifikimet e Euro 2020.

Njëherish kjo ishte fitorja e parë në histori në eliminatoret e Evropianit, pas tre barazimeve radhazi.

Kosova kaloi e para në epërsi, kur i zakonshmi Milot Rashica (14’) realizoi për 0-1.

Në vazhdim, vendasit ishin inekzistent në fushë, ndërsa Edon Zhegrova e Bersant Celina lëshuan goditje potente por jo të mjaftueshme për gol.

Atëherë kur mendohej se pjesa e parë do përfundonte me avantazhin e tanëve, në skenë doli Igor Popov (43’) që shfrytëzoi mjaft mirë gabimin e repartit defanziv për të baraspeshuar gjithçka.

Edhe pjesa e dytë nisi mire për bullgarët, kur Kristian Dimitrov (55’) përmbysi gjithçka për 2-1.

Megjithatë, Kosova u kundërpërgjigj shumë shpejtë duke barazuar gjithçka me Vedat Muriqin (64’), i cili shënoi me kokë pas krosimit të Benjamin Kolollit.

Vazhdimi i ndeshje shkoi totalisht në favorin tonë, duke dominuar gjithçka, por pa arritur të shënohej ai goli i epërsisë.

Goli i shumëpritur erdhi në fundin e ndeshje, kur zëvendësuesi Elbasan Rashani realizoi me kokë për fitoren historike të Kosovës, pas asistimit të Milot Rashicës.

Në anën tjetër, Çekia realizoi fitore bindëse 3-0 ndaj Malit të Zi, duke u renditur në pozitën e dytë me gjashtë pikë, aq sa ka edhe Kosova një pozitë më poshtë.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!