Kosova në ‘luftë’ me Serbinë për investimin e Volkswagen-it – Ora Info Ballina | ORAinfo.com - Nuk ndalet
Lajmet e fundit
0 °C

Kosova në ‘luftë’ me Serbinë për investimin e Volkswagen-it

14:24 | 13 Prill 2019

Prodhuesi i madh i veturave ‘Volkswagen’ ka shprehur interesim qe të hap degë edhe në Ballkan.

Lufta ndërmjet Kosovës dhe Serbisë për të thithur investimin e gjigantit gjerman ‘Volkswagen’ po ashpërsohet dita ditës.

Vuçiq ka paralajmëruar se gjiganti gjerman do të investojë në Serbi, ndërkohë ministri i Tregtisë së Republikës së Kosovës, Endrit Shala, i ka dërguar një letër zyrtare kompanisë gjermane, përmes të cilës e ka ftuar që të investojë në Kosovë.

Ndërkohë sot Vuçiq në një paraqitje televizive ka reklamuar një orë të ‘Volkswagen’, të cilën thotë se ia ka dhuruar ministri serb i financave, Sinsa Mali.

Vuçiq thotë se e mbartë atë orë vetëm për qejf, dhe tregon se ministri serb i financave e kishte marrë atë gjatë vizitës së fundit në Gjermani në Wolfsburg, si shenjë për tërheqjen e investimit të të Volkswagen në Serbi.

Ai ka treguar se ajo orë ‘Volkfswwagen’ kushton rreth 129 euro.

Në fund Vuçiq ka treguar se ende nuk kanë arritur që të sigurojnë investimin gjerman në Serbi.

“Shpresojmë që do të jemi në gjendje të fitojmë investimin e Volkswagen”, ka përfunduar ai.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!