KQZ e gatshme për zgjedhje, u duhen 4 milionë euro për të mbuluar koston – Ora Info Ballina | ORAinfo.com - Nuk ndalet
Lajmet e fundit
0 °C

KQZ e gatshme për zgjedhje, u duhen 4 milionë euro për të mbuluar koston

09:04 | 21 Gusht 2019

Vendi do të shkojë në zgjedhje të jashtëzakonshme nëse shpërbëhet Kuvendi.

Komisioni Qendror i Zgjedhjeve (KQZ) është i gatshëm për organizimin e zgjedhjeve të jashtëzakonshme, mirëpo ende i mungon një anëtar nga radhët e koalicionit PAN e kjo gjë nuk pritet ta pengojë procesin zgjedhor. Në bazë të praktikave të mëhershme, KQZ-së në total i duhen 4 milionë euro për ta mbuluar koston e zgjedhjeve

Në rast të shpërndarjes së Kuvendit të Kosovës, më 22 gusht (e enjte), Komisioni Qendror i Zgjedhjeve është i gatshëm t’i fillojë përgatitjet menjëherë pasi presidenti Hashim Thaçi ta caktojë datën e zgjedhjeve të jashtëzakonshme.

Pavarësisht se viti 2019 nuk është pritur të jetë vit zgjedhor, përfaqësues të këtij institucioni thonë se KQZ-ja është e gatshme për zgjedhje, ndonëse sipas tyre ende nuk është caktuar kostoja që do t’i mbulonte shpenzimet e tyre, shkruan zeri.

Zgjedhjet e fundit parlamentare të vitit 2017 buxhetit të Kosovës i kanë kushtuar rreth 4 milionë euro dhe një shumë e përafërt pritet të ndahet përsëri nga “kuleta” e shtetit për organizimin e tyre në këtë vit.

Derisa shumica e partive i kanë tashmë përfaqësuesit e tyre në KQZ, koalicionit PAN i mungon një anëtar në këtë institucion.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!