Ish-ministri i Tregtisë, Vesel Krasniqi duke folur për Front Online ka kritikuar Qeverinë aktuale lidhur me situatën ekonomike në vend.

Krasniqi thotë se Qeveria ‘Kurti’ çdo ditë po i përndjek padrejtësisht bizneset me ndëshkime.

Këto masa duhet të merren sipas ish-ministrisë për parandalimin e mbylljeve të bizneseve.

“Shteti duhet të ndryshojë disa politika fiskale tek bizneset t’i subvencionojnë ato ti regjistrojnë punëtorët t’i rrisin pagat. Kjo qeveri çdo ditë e më shumë i përndjekë padrejtësisht bizneset duke i ndëshkuar sigurisht që çdo ditë do të mbyllen ato, në vend se të faktorizohen e të rregullohet situata ekonomike Qeveria i sulmon. Pa gjoba e ngarkesa nuk po mbijetojnë e jo më me këto”, u shpreh ai për Front Online.

Në kohën kur ka qenë Krasniqi në krye të MINT-it, thotë se nuk ka pasur numër kaq të lartë të c ‘regjistrimit të bizneseve.

Ai tha se Kosova është duke mbetur pa fuqi punëtore.

Sipas tij, deri tani Qeveria aktuale s’ka bërë ligj për investime strategjike.

“Në atë kohë më shumë ka pas biznese që janë regjistruar se sa që janë shuar se kjo është një procedurë që ka edhe shlyerje të bizneseve por ka biznese edhe që regjistrohen. Me ish-kryeministrin Avdullah Hoti kemi marr iniciativa për ndryshimin e politikave fiskale. Fuqia e punëtorëve është duke ikë sidomos rinia. Asnjë ligj nuk e kemi për investime strategjike, qeveria po merret me çështje sociale duke i mëshiru me ka 100 euro ndihma afatshkurtra”, theksoi Krasniqi.

Komento:

	Komenti