Adoptimi i qenve endacak në kryeqytet ka nisur vitin e kaluar. Komuna e Prishtinës për të zgjedhur problemin e qenve endacak e zgjodhi si metodë adoptimin e tyre, ku secili qytetarë që adopton një qen do të paguhet me 50 euro në muaj.

Por sa ka pasur efekt ky vendim për largimin e qenve endacak në kryeqytet na tregon më shumë asambleisti i LVV në komunën e Prishtinës, Besart Krasniqi!

Ku shton se çdo ditë sulmohen qytetarë nga qentë endacak ku edhe po rrezikohet jeta e tyre.

“Po tashmë janë bërë 1 vite, që kur Komuna e Prishtinës, ka marrë vendim që për secilin qenë endacak që adaptohet, paguhet nga 50 euro në muaj. Por siq po shihet ky vendim nuk ka pas efekt, duke e marrë parasysh qe vetem 100 qen endacak janë adaptuar deri më tani. Dhe në anën tjetër, thuajse çdo ditë nëpër lagjet e fshatrat e Prishtinës, sulmohen qytetarët nga qentë endacak. E këtë mënyrë po rrezikohet jeta e tyre”, tha ai.

Tutje, ai kërkon nga Komuna e Prishtinë, që të punojnë më shumë në këtë aspect dhe të marrin masa që të mos kemi qen endacak në rrugë që rrezikojnë jetën e qytetarëve.

“Andaj ne kërkojmë nga Komuna e Prishtinës, dhe drejtoria e emergjencave dhe shërbimeve publike, të punojnë më shumë në këtë aspekt, të marrin masa konkrete në mënyrë që mos të kemi qen endacak në rrugë që rrezikojnë jetën e qytetarëve”, përfundoi Krasniqi për GazetaBlic.

Komento:

	Komenti