Kryeministri çek: S’shoh arsye për ç’njohjen e Kosovës – Ora Info Ballina | ORAinfo.com - Nuk ndalet
Lajmet e fundit
0 °C

Kryeministri çek: S’shoh arsye për ç’njohjen e Kosovës

15:46 | 12 Shtator 2019

Ideja e presidentit të Çekisë për tërheqjen e njohjes së Kosovës nuk u mbështet as nga krerët e vendit të tij.

Kryeministri i Republikës së Çekisë, Andrej Babish, teksa ka komentuar deklaratat e bëra nga presidenti i Çekisë rreth mundësisë së heqjes së njohjes për pavarësiën e Kosovës, ka thënë se nuk sheh asnjë arsye që Çekia të ndryshoj qëndrim sa i përket çështjes së pavarësisë së Kosovës, shkruan Gazeta Express.

Këto deklarata Babish i ka bërë gjatë një konference për media, pas përfundimit të takimit të Grupit të Visehgradit, ku ishin të ftuara edhe vendet e Ballkanit Perëndimor.

“Politika e jashtme e Çekisë, është gjithmonë në duar të qeverisë. Nuk shoh asnjë arsye, që Cekia të ndryshoj qëndrimin ndaj Kosovës”, ka thënë Babish, raporton Express.

Babish ka thënë se deklaratat e Zemanit nuk janë të reja, pasi ai ka pasur qëndrime të ngjashme edhe gjatë vitit 2013.

“Deklarata te bëra nga presidenti, opinioni i Zemanit është gjithmonë i njëjti. Nuk është asgjë e re”, ka thënë Babish në konferencë për media, pas pyetjes së gazetares serbe, se si i komenton deklarimet e presidentit Zeman për heqjen e njohjes së pavarësisë së Republikës së Kosovës.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!