Kroacia mirëpret kërkesën e Kosovës për anëtarësim në BE.

Kryeministri kroat, Andrej Plenkoviq, thotë se mirëpresin kërkesën e Kosovës për aplikim në Bashkimin Evropian.

Plenkoviq teksa ka uruar presidenten Vjosa Osmani dhe kryeministrin Albin Kurti, ka bërë të ditur se do të vazhdojnë të ofrojnë përkrahje për Kosovën, njofton Klankosova.tv.

“Mirëpresim kërkesën e Kosovës për anëtarësim në Bashkim Evropian dhe i urojmë suksese në rrugëtimin e tyre evropian! Ne do të vazhdojmë të ofrojmë mbështetje dhe të ndajmë përvojat kroate”, ka shkruar Plenkoviq në Twitter.

Kujtojmë se kryeministri, Albin Kurti, sot i ka dorëzuar Presidencës Çeke të Këshillit të Bashkimit Evropian, aplikimin e Kosovës në BE.

Komento:

	Komenti