Kurti kundër arrestit shtëpiak për Pantiqin: Jam kurreshtar, kush është prokurori që kërkoi e cili gjyqtar e aprovoi.

Kryeministri i Kosovës, Albin Kurti, ka folur për dërgimin në arrest shtëpiak të të dyshuarit për terrorizëm, Dejan Pantiq, arrestimi i të cilit nxiti barrikadat në veri.

Në një konferencë për media, Kurti është treguar shumë i ashpër duke shprehur habinë se si ai u dërgua në arrest shtëpiak, duke qenë se ka akuza për terrorizëm, shkruan lajmi.

Ai madje tha se është kurreshtar ta di se cili është ai prokuror dhe ai gjyqtar që kanë marrë këtë vendim.

“Unë nuk e di këtë çështjen gjyqësore, procedurale të atij që është i pandehur dhe mbahet në Jarinje për shkak se nuk mund të dërgohej në burg zyrtar. Ai e ka statusin e të paraburgosurit por njëkohësisht është i pandehur për terrorizëm. Ishte grevë në të urisë dhe kishte probleme në zemër, mund të dërgohej në spital, a është e arsyeshme e vendos gjyqësori, por kur kemi akuzë për terrorizëm, të dërgohesh në arrest shtëpiak, unë jam shumë kurreshtar ta di se cili është ai prokuror që bën këtë kërkesë, dhe cili është ai gjyqtar që e aprovon”, tha ai.

Komento:

	Komenti