Kurti e çon zëvendësen në tryezën amerikane për Asociacionin, ZKM s’tregon se a shkon edhe ai.

Zëvendëskryeministrja e Qeverisë së Kosovës, Emilija Rexhepi ka konfirmuar se do të marr pjesë në takimin e organizuar nga ambasda amerikane më 31 janar në Prishtinë për të diskutuar rreth Asociacionit të Komunave me shumicë serbe.

Ajo ka thënë se ftesës i është përgjigjur pozitivisht, pasi që SHBA është faktor stabiliteti dhe paqeje për gjithë Ballkanin e në veçanti për Kosovën.

“Pra, unë do të jem e pranishme në takim dhe sigurisht që është një takim konsultativ, Ne do t’i shprehim qëndrimet tona dhe shoh që sektori i synuar evropian është i ftuar. A do të thotë ky takim që Asociacioni vetëm do të nisë të zbatohet? Jo, nëse e shihni qëndrimin tim personal, jo vetëm qëndrimin e qeverisë, është një”, ka thënë ajo për transmetuesin publik.

Zëvendëskryeministrja Rexhepi ka thënë se qëndrimi i saj personal është kundër formimit të Asociacionit njëetnik.

“Qëndrimi im personal është se gjithmonë kam qenë kundër formimit të komunave etnike, kundër formimit të komunave me një kombësi. Shihni çfarë ndodhi. në Bosnje-Hercegovinë, Republika Srpska e ka bërë gjithë këto vite dhe gjithë procesin e federatës së Bosnje-Hercegovinës si një shtet i ndenjur. Cilat janë dëmet materiale të mëdha dhe njerëzore të shkaktuara nga lufta e viteve nëntëdhjetë, dhe gjenocidi i Srebrenicës, çfarë ndodhi me boshnjakët dhe përkundër gjithë kësaj deri më tani, Bosnja ishte goditur me gurë në çdo kuptim. Dhe sot, nga paramendimi, ne si qeveri po bëjmë gjithçka që kjo të mos ndodhë”, ka deklaruar Rexhepi.

Ajo ka theksuar se me asociacion një etnik diskriminohen nacionalitetet tjera të cilat jetojnë në komunat veriore të Kosovës.

Ndërkohë, nga qeveria nuk e kanë konfirmuar pjesëmarrjen në këtë tryezë. Përveç zëvendëskryeministres Rexhepi, pjesëmarrjen e ka konfirmuar edhe ministri për Kthim dhe Komunitete, Nenad Rashiq.

Ambasada amerikane në Kosovë, e ka konfirmuar për Gazetën Express se më 31 janar do ta organizojë një diskutim për Asociacionin e Komunave me shumicë Serbe.

Në një përgjigje për gazetën, zëdhënësi i ambasadës, ka deklaruar se të ftuar janë përfaqësues të shoqërisë civile, zyrtarë të qeverisë, liderë politikë dhe diplomatë.

“Më 31 janar, ambasada amerikane do të mbajë një diskutim mbi Asociacionin e Komunave me shumicë Serbe në Kosovë. Kemi ftuar një grup divers nga liderët e shoqërisë civile, zyrtarë qeveritarë, liderë politikë dhe diplomatë për të diskutuar mbi këtë pikë”, është thënë në përgjigje.

Komento:

	Komenti