Bërnabiq në OKB flet për situatën në veri: Kosova shkeli brutalisht Marrëveshjen e Brukselit.

Kryeministrja serbe, Ana Bërnabiq ka folur me tonë jashtëzakonisht viktimizuese në OKB për situatën në veri të Kosovës.

Ajo aty ka thënë se Kosova me dërgimin e Specialëve në veri, sipas saj ka shkelur “brutalisht” marrëveshjen e Brukselit dhe se kjo shkaktoi një krizë të madhe.

Madje sipas saj, gjithë kjo situatë ndërpreu furnizimin me ushqim dhe barna për serbët e veriut.

“Me pretekstin e zbatimit të rregullave të reja në targa, Prishtina dërgoi njësi speciale të armatosura rëndë në veri të krahinës. Kjo është një shkelje tjetër brutale e Marrëveshjes së Brukselit, dhe kjo shfaqje irracionale e forcës shkaktoi një krizë të madhe”, tha ajo.

“Kjo ndërpreu furnizimin me ushqim dhe ilaçe në zonat serbe në veri të krahinës, ndërsa banorët serbë të cilët u mblodhën paqësisht në protestë kundër masës u pritën me gaz lotsjellës dhe brutalitet policor, duke rrezikuar seriozisht stabilitetin lokal dhe rajonaj”, tha Bërnabiq.

Madje ajo tutje ka vazhduar duke e paraqitur Serbinë si paqedashëse dhe të interesuar për një kompromis.

Komento:

	Komenti