Zlatan Ibrahimovic raportohet se është i gatshëm të bëjë një flijim në mënyrë që të qëndrojë në Milano përtej verës dhe të nënshkruajë një marrëveshje të re.

Dukej pothuajse e sigurt që Ibrahimoviç do të largohej në fund të sezonit, por kthesa e rradhës në planet e klubit në lidhje me ardhjen e Ralf Rangnick në dukje ka rihapur derën për suedezin të qëndrojë.

Sipas botimit të të hënës në La Gazzetta dello Sport, Ibrahimoviç dëshiron të qëndrojë me çdo kusht në Milano dhe për këtë arsye ai gjithashtu do të ishte i gatshëm të ulë pagën e tij, përcjell ORAinfo.

Gazeta shpjegon se suedezi mund të “shlyejë” për një pagë prej 3 milionë euro për sezon, diçka që do të ishte një sakrificë e rëndësishme nga sulmuesi që mori të njëjtën shifër për marrëveshjen gjashtëmujore që nënshkroi në janar.

Ibrahimoviç ka shënuar shtatë gola dhe katër asistime në 16 paraqitje në Serie A që nga kthimi i tij në Milano. /ORAinfo/

Komento:

	Komenti