Kryeministri i Kosovës Albin Kurti është i gatshëm të nënshkruajë një marrëveshje gjithëpërfshirëse me Beogradin. Por, pohon ai në një intervistë për Standard se Beogradi nuk është i gatshëm për një gjë të tillë sepse po kërkon “kompensim” territorial për shpërbërjen e Jugosllavisë, transmeton FrontOnline.

Zgjedhjet e reja lokale në veri të Kosovës do të caktohen sapo 20 për qind e qytetarëve në katër komuna të dorëzojnë peticionet për mbajtjen e zgjedhjeve, thotë kryeministri i Kosovës, Albin Kurti.

“Kjo është e vetmja mënyrë për të siguruar që të mos ketë përsëri bojkot zgjedhor,” tha ai në një intervistë me gazetën vjeneze Standard, transmeton FrontOnline.

“Nuk dua të kem katër kryetarë komunash shqiptarë në veri, nuk është ky qëllimi im dhe nuk është kënaqësi për mua”, shtoi ai. “Sepse, për shkak të pjesëmarrjes së ulët në zgjedhje, këta kryetarë komunash kanë pak legjitimitet politik, edhe pse janë zgjedhur plotësisht ligjërisht.

Siç tha ai, është e nevojshme që Beogradi të “ndalojë mobingun”. “Beogradi nuk është i interesuar për pjesëmarrjen demokratike të serbëve në Kosovë, por kërkon kompensim territorial për shpërbërjen e Jugosllavisë”, thotë kryeministri i Kosovës.

Ai pretendon se Serbia po bën një “luftë hibride”, dhe se personalisht është “çdo ditë” në ballinën mediave serbe.

“Unë kam qenë nja dy herë në Veri të Kosovës dhe takohem me serbët atje, por ato takime nuk janë publike sepse njerëzit më kërkojnë që të mos e bëj. Familjet dhe fëmijët e tyre janë nën presion”, thotë Kurti. “Vetëm këtë vit në Veri janë djegur 15 vetura me targa të Kosovës, transmeton FrontOnline.

I pyetur se pse nuk pati sërish marrëveshje në takimin me presidentin serb Aleksandar Vuçiq në Bruksel, Kurti thotë se ishte i gatshëm për një “marrëveshje ombrellë” me Serbinë (Marrëveshja e Ohrit), si dhe për një marrëveshje për formimin e Asociacionit të komunave me shumicë serbe.

“Por Vuçiq donte që Serbia dhe Kosova ta nënshkruajnë veçmas, secila me Bashkimin Evropian. Por nuk duhet të normalizoj marrëdhëniet me BE-në, por me Serbinë!”, tha Kurti.

Kryeministri i Kosovës pretendon se Vuçiq ka kërkuar që të nënshkruhet edhe një letër, në të cilën do të thuhet se Serbia nuk do ta njohë kurrë pavarësinë e Kosovës dhe se Prishtina nuk duhet të hyjë asnjëherë në OKB- edhe pse në Ohër është marrë vesh ndryshe.

Kurti rrëfen se u ka thënë ndërmjetësuesve nga BE-ja se “gjyqtari duhet të luajë kur sheh shkelje të rregullave”. Ndërmjetësuesit, thotë ai, sillen si një gjyqtar futbolli që humbi bilbilin dhe vrapon pas lojtarëve në fushë.

Askush nuk dëshiron t’ia dorëzojë Serbisë kur ajo shkel marrëveshjet, pohon Kurti.

Në një intervistë për gazetën e Vjenës, Kurti thotë se në mars të vitit të kaluar “shumë miq ndërkombëtarë” i thanë se nuk duhet të jetë shumë i ashpër ndaj Serbisë sepse Beogradi do të vendosë sanksione ndaj Rusisë pas zgjedhjeve (prill 2022), transmeton FrontOnline.

“Ka kaluar mbi një vit e gjysmë që nga zgjedhjet dhe ende nuk ka sanksione. “Nuk duhet të nënvlerësojmë spektrin e lidhjeve historike, kulturore, por edhe ushtarake, inteligjente dhe energjetike ndërmjet Serbisë dhe Rusisë”, paralajmëron Kurti.

“Paradoksalisht, Perëndimi me butësinë e tij ndaj Serbisë po e shtyn Serbinë në drejtim të Rusisë, ndonëse synimi sigurisht është i ndryshëm. Por, Beogradi ka më shumë dashuri për Moskën dhe frikë nga Moska se sa ka në drejtim të Brukselit”, beson kryeministri kosovar.

Kurti e lidhi pakënaqësinë e Rusisë me rënien e Bashkimit Sovjetik dhe sulmin e saj ndaj Ukrainës me veprimet e Serbisë në rajon.

Sipas Kurtit, Serbia është e pakënaqur me shpërbërjen e Jugosllavisë dhe për këtë arsye po shikon një pjesë të territorit të Bosnjës, nuk pajtohet me pavarësinë e Malit të Zi dhe dëshiron Veriun e Kosovës.

“Të gjitha përpjekjet për destabilizimin që Serbia ndërmerr ndaj vendeve fqinje janë një mesazh për Perëndimin: Na jepni diçka diku! Serbia nuk na sheh si një vend real”.

Në pyetjen e gazetarit se përse ndërmjetësuesit nga BE-ja e kanë vënë veten në një pozitë të tillë, Kurti thotë se janë në punë duke “paqësuar” Serbinë. E për vërejtjen e gazetarit se mund të mos jetë sepse “BE-ja kërkon litium nga Serbia”, kryeministri i Kosovës thotë:

“Sigurisht që nuk e di, por nuk besoj se është. Nëse po, atëherë duhet thënë se litiumi nga Serbia do të shpëtojë botën. Vetëm një gjë është e sigurt, Nirvana ka një këngë të quajtur ‘Lithium’./FrontOnline/

 

 

 

Komento:

	Komenti