Kurti do të kthehet në Kosovë pas takimit në Bruksel.
Pas Greqisë dhe Francës, Kurti do të udhëtojë për në Bruksel, ku do të takohet me president serb, Vuçiq.
Dita e shtunë, e gjeti në tepihun e kuq në festivalin e filmit në Cannes të Francës.
Nën shoqërimin e gruas dhe vajzës, kryeministri i Kosovës, Albin Kurti, mori pjesë në premierën e filmit “Pa vend” nga Kosova.
Madje vizitën këtu, Kurti me veshje solemne, e shfrytëzoi edhe për disa fotografi më fytyra të njohura të filmit.
Nga vizita dyditore në Francë, Kurti shkroi se Kosova është bërë forcë ndërkombëtare në kinematografi.
E ndalesën në Francë, Kurti thotë se e shfrytëzoi edhe për takim me Ministren Franceze të Kulturës.
E këtë vizitë në Francë Kryeministri e bëri pas asaj gjashtë ditore në Greqi.
Por, edhe pas kësaj, kryeministri nuk pritet të kthehet në Kosovë.
Nga Qeveria e Kosovës, kanë konfirmuar se Kurti do të udhëtoj të hënën për në Bruksel.
Zyra e Kryeministrit ka thënë që i pari i ekzekutivit do të kthehet në Prishtinë posa të përfundojë vizitën në kryeqendrën evropiane.
E në Bruksel shefi i qeverisë kosovare do të takohet përsëri me presidentin serb, Aleksandër Vuciq, në kuadër të dialogut Kosovë – Serbi.
Ky takim pritet të mbahet pasditen e së hënës, ndërsa të pranishëm pritet të jenë ndërmjetësuesit e BE-së, Josep Borrell dhe Miroslav Lajçak.
E njohësit e procesit të dialogut, kanë pritshmëri minimale nga ky takim.
E më optimistë për takimin e 19 korrikut, janë në Institutin Demokratik të Kosovës.
Ndërkohë, Petar Petrkovic, drejtori i ashtuquajturës Zyra Për Kosovën në Qeverinë e Serbisë, të dielën deklaroi se pala serbe në këtë takim, do të insistoj në formimin e Asociacionit e Komunave me Shumicë serbe në Kosovë.