Kryetari i LDK-së, Lumir Abidixhiku, e ka komentuar gjuhën e përdorur nga kryeministri në detyrë dhe kandidati i VV-së për këtë post, Albin Kurti, në natën e zgjedhjeve, i cili i quajti kundërshtarët politikë me termin “hajvanë”.

Abdixhiku tha se nuk është quajtja e kundërshtarëve politikë me një term të tillë ofendues sa është quajtja e qytetarëve që s’e kanë votuar Kurtin.

“Pra, pjesa më e madhe e qytetarëve të Kosovës kanë votuar ndryshe, edhe shqiptarëve dhe jo-shqiptarëve në tërësi. Në proporcionin e shqiptarëve është 52 me 48, ndërsa jo-shqiptare është 60 me 40 pak a shumë”.

“Të ofendosh kaq shumë edhe votuesin tjetër është e palogjikshme dhe një përshkrim tipik i një politikani që nuk di të festojë dhe s’di të manifestojë suksesin kur merr fitore”.

“Unë kam shprehur vetëm urime për fituesit dhe kam shprehur urime për popullin e Kosovës që ka treguar demokraci dhe nivel fitues. I kam uruar të gjithë fituesit atë natë, në konferencë për shtyp, se kështu s’kam pasur ndonjë kontakt”, tha Abdixhiku në Rubikon në Klan Kosova.

Abdihxiku tha se gjuha e urrejtjes nga Kurti është një manifestim i një politikani që është konfliktuoz dhe i cili edhe në fitore nuk arrin ta kontrolloj veten.

“Duket se ka pasur një mllef të madh që s’e kuptoj dot. Një fitues do të duhej më madhështor në natën e fitores. Do të duhej të ishte më përafrues, më qetësues për popullin e vet. Ke fituar, ndoshta jo në rezultatin që e ke pritur”.

“Por jo të marrësh një rol atakues, sepse nuk është njerëzore dhe as moralisht e drejt të atakosh kundërshtarët politikë me gjuhë ofenduese të tillë, e aq më pak qytetarët që i kanë votuar ata atë natë”.

“Unë kam qenë i treti, por të takon në nivelin njerëzor të sillesh edhe me kundërshtarin politik. Të thuash ‘shikoni, gara ka përfunduar, urime për rezultatet, qytetarët kanë vendosur kështu dhe shohim tutje’”, tha ai.

Komento:

	Komenti