Kryeministri Albin Kurti, mori pjesë në ngjarjen e shënimit të 10-vjetorit të grupit Respect our Rights në kuadër të së cilës bashkëbisedoi me anëtarë nga grupi. Kreu qeveritar përgëzojë këtë organizatë për rolin aktiv që luajnë për mbrojtjen e të drejtave të të gjithë fëmijëve në Kosovë.
Me ta foli për hapat që qeveria në drejtimin e tij ndërmori për të përmirësuar kushtet e jetesës për fëmijët dhe të rinjtë.
Kreu qeveritar veçoi shtesat për fëmijët nën moshën 16 vjeçare, derisa përmendi se janë mbi 400 mijë fëmijë dhe mbi 60 mijë nëna lehona të cilat përfitojnë mbështetje çdo muaj si dhe tha se u dyfishua numri i të rinjve të punësuar.
“Vetëm përmes platformës së punësimit, SuperPuna, për më pak se dy vite Qeveria punësoi mbi 14 mijë të rinj mes moshës 18-29 vjeç, në 9,500 biznese vendore, ku 51% prej tyre janë gra, ndërsa përmes programit Kosovo Generation Unlimited janë ofruar mundësi praktike për 3 mijë të rinj”, citon komunikata fjalët e kryeministrit në këtë ngjarje.
Tutje ai ka treguar për mbështetjen që i kanë dhënë studentëve përmes bursave në vlerë të mbi 10 milionë eurove, prej tyre studentët që studiojnë në fushat STEM, shkencë, teknologji, inxhinieri dhe matematikë, ata elitarë, studentët me aftësi të kufizuara dhe studentët që studiojnë jashtë vendit.
4 °C
