Kurti ka folu për koalicionin.
Kryetari i Lëvizjes Vetëvendosje, Albin Kurti, ka thënë në mbledhjen e 39-të të Këshillit të Përgjithshëm të po këtij subjekti se po punohet për arritjen e një koalicioni me LDK-në.
Në komunikatën zyrtare të VV-së për punimet e Këshillit të Përgjithshëm të VV-së tregohet po ashtu se në këtë takim është folur edhe për zhvillimet politike të këtij viti.
“Por nga aspekti i perspektivës, viti i shkuar ishte i rëndësishëm, sepse edhe një herë Lëvizja VETËVENDOSJE! shënoi rritje elektorale, duke dalë sërish e para e duke fituar të drejtën për të themeluar qeverinë”
Tutje Kurti ka folur për formimin e qeverisë së ardhshme të Kosovës.
Postimi i plotë:
Sot zhvilloi punimet Mbledhja XXXIX e Këshillit të Përgjithshëm të Lëvizjes VETËVENDOSJE! Siç është tradita, kryesuesi i Këshillit, Hydajet Hyseni ftoi që të mbajë fjalën hapëse kryetari i Lëvizjes, Albin Kurti.
Ai shpjegoi se si viti që po mbyllet ka qenë vit i humbur, nga këndvështrimi i interesave shtetërorë të Kosovës. Një qeverisje e paaftë dhe e kapur, ka shënuar dobësim e regres si në politikën e jashtme ashtu edhe në sferat e brendshme të zhvillimit ekonomik, drejtësisë, arsimit e shëndetësisë.
Por nga aspekti i perspektivës, viti i shkuar ishte i rëndësishëm, sepse edhe një herë Lëvizja VETËVENDOSJE! shënoi rritje elektorale, duke dalë sërish e para e duke fituar të drejtën për të themeluar qeverinë. Albin Kurti theksoi edhe një herë vendosmërinë dhe përkushtimin e Lëvizjes për ta përmbushur mandatin që votuesit na e dhanë, duke parë si partner të vetëm për koalicion Lidhjen Demokratike të Kosovës.
Këshilli i Përgjithshëm përshëndeti dy aktivistët, Glauk Konjufcën dhe Arbërie Nagavcin, të cilët u zgjodhën nga Kuvendi i Kosovës si kryetari e nënkryetarja e organit më të lartë të Republikës. Më pas vijuan diskutimet e debatet mbi situatën politike, sfidat e brendshme e ato rajonale, si dhe u shtjelluan nevoja për përforcime strukturore të Lëvizjes, për të fuqizuar pjesëmarrjen e grave, të rinjve e mërgatës. /ORAinfo/
-1 °C
