Gjatë një aksioni të sontëm, është prangosur një zyrtar policor.

Një hetues policor është prangosur në natën e së mërkurës, në kryeqytetin kosovar.

Është raportuar se pranga i janë vënë Lavdim Osmanit.

Prangosjen e tij e ka konfirmuar drejtori i përgjithshëm i Policisë së Kosovës, Rashit Qalaj.

Aksioni i prangosjes është kryer nga Inspektorati Policor i Kosovës.

Osmani ka udhëhequr një grup policësh të cilët dyshohet se u kanë vënë haraç bizneseve.

Ai dyshohet se ka hetuar shumë kompani, për t’ua mbyllur më pas rastet vetëm në këmbim të parave.

Gjithashtu, thuhet se Osmani është djalë i tezës së drejtorit të Veprave të rënda Ekonomike në Policinë e Kosovës, Bashkim Spahiu.

Komento:

	Komenti