Kush po i ngadalëson hetimin për rastin e Ivanoviqit, vjen reagimi i Listës Serbe – Ora Info Ballina | ORAinfo.com - Nuk ndalet

Kush po i ngadalëson hetimin për rastin e Ivanoviqit, vjen reagimi i Listës Serbe

14:10 | 26 Maj 2019

Po vazhdojnë edhe më tej hetimet për rastin e Oliver Ivanoviqit.

Lista Serbe ka akuzuar kryetaren e Lëvizjes Evropiane të serbëve në Kosovë, Rada Trajkoviq se po pengon hetimet për rastin e Oliver Ivanoviqit.

Sipas tyre, Trajkoviq po paguhet mirë për të dhënë deklarata edhe kundër presidentit serb, Aleksandar Vuçiq.

“Trajkoviq po paguhet mirë për të dhënë deklarata në prokurorinë e Prishtinës kundër Nedeljko Spasojeviq dhe Marko Roshiq, dhe ata janë të ndarë nga familjet e tyre për më shumë se gjashtë muaj”, thuhet në reagimin e Listës Serbe.

Ish-deputetja e Kuvendit të Kosovës, Rada Trajkoviq, ka thënë se presidenti i Serbisë, Aleksandar Vuçiq, po e ngadalëson hetimin për rastin e Oliver Ivanoviqit, duke e shfajësuar Milan Radojçiqin.

Trajkoviq në një intervistë për Radio KIM, ka thënë se publiku dëshiron të dijë të vërtetën se kush e eliminoi Ivanoviqin dhe se ajo nuk do të heqë dorë nga kjo çështje derisa të dalë në shesh e vërteta.

Komento: