Kuvendi i Kosovës ka miratuar sot një Rezolutë që dënon sulmin e së dielës mbi Policinë e Kosovës nga një grup terrorist serbë.
Në tekstin e Rezolutës përmendet edhe nevoja për një hetim ndërkombëtar ndaj Serbisë lidhur me organizimin e aktiviteteve terroriste.
Poashtu përmendet edhe ekzistenca e kampeve stërvitore të grupeve terroristë në Serbi.
“KONSTATON nevojën për hetim ndërkombëtar ndaj Republikës së Serbisë lidhur me organizimin e aktiviteteve terroriste dhe vazhdimin e ekzistencës së kampeve stërvitore të grupeve terroriste në territorin e Serbisë;”, thuhet në Rezolutë./Front Online