Kirurgu hero, bëri 7 operacione pa pushim, e zë gjumi në dysheme.

Një kirurg nga Kina zgjodhi të mos bënte asnjë minutë pushim që pacientët të merrnin trajtimin në kohë.

Dai Yu bëri plot shtatë operacione dhe më pas e zuri gjumi në korridorin e spitalit. Ai filloi punën në 8 të mëngjesit dhe e përfundoi në 5 të pasdites.

Ishte aq i lodhur, sa u ul në dysheme të flinte për 10 minuta sa kolegët të përgatisnin sallën për operacionin tjetër.

Kolegët i bënë fotografinë, e cila është bërë virale dhe përdoruesit e rrjeteve sociale e quajnë “hero”. Pasi u zgjua, ai nuk u largua nga spitali deri në orën 9 të darkës kur përfundoi të gjitha ndërhyrjet.

Pasi u kontaktua nga mediat, kirurgu tha se është detyra e tij që të kujdeset për pacientët.

Ai është zëvendës drejtor në Departamentin Ortopedik të Spitalit Qendror Longgang në Shenzhen të Kinës jugore.

Kirurgu shtoi se ai dhe kolegët e tij duhet të bënin 10 ndërhyrje kirurgjikale atë ditë (26 gusht 2019).

Komento:

	Komenti