Ky është rasti i parë i riinfektimit me Covid-19 në Shtetet e Bashkuara – Ora Info Ballina | ORAinfo.com - Nuk ndalet

Ky është rasti i parë i riinfektimit me Covid-19 në Shtetet e Bashkuara

08:37 | 13 Tetor 2020

Konfirmohet rasti i parë i riinfektimit me Covid-19 në Shtetet e Bashkuara.

Përderisa presidenti amerikan, Donald Trump, e shpalli veten imun ndaj koronavirusit gjatë një tubimi në Florida, një studim i ri tregoi se një burrë 25-vjeç në Nevada është infektuar dy herë këtë vit.

Ky është rasti i parë i konfirmuar i riinfektimit në Shtetet e Bashkuara. Dy infektimet te ky pacient ndodhën në distancë kohore prej vetëm gjashtë javësh, shkruan The Guardian, transmeton Gazeta Express.

Rastet e riinfektimit me koronavirus janë mjaft të rralla. Deri më tani, në botë janë konfirmuar vetëm pesë raste të tilla. Sidoqoftë, ende është e paqartë se si dhe pse ndodh kjo.

Qendra për Kontrollimin dhe Parandalimin e Sëmundjeve thotë që personat e shëruar nga Covid-19 në përgjithësi duket se janë të mbrojtur nga riinfektimi për tre muaj. Megjithatë, rasti i ri i konfirmuar paraqet dëshmi kundër këtij vlerësimi.

Shtetet e Bashkuara mbeten vendi më i prekur në botë nga koronavirusi. Përpos tyre, numër të madh rastesh kanë edhe India, Brazili dhe Rusia.

Komento: