Bukurije Hasan Neziraj e cila ishte zhdukur nga data 11.06.2021 është gjetur sot.
Kështu njofton Policia për Rajonin e Ferizajt.
Bukurija është gjetur nga familjarët e saj tek halla e tyre.
“Drejtoria Rajonale e Policisë në Ferizaj , këtë pasdite, ka pranuar një informatë shtesë nga familjarët e personit të zhdukur nga fshati Talinovc i Muhaxherëve të Ferizajt, Bukurije Hasan Neziraj, e moshës 46 vjeçe.
Vëllai i saj, ka njoftuar policinë, se motra e tij Bukurije Neziraj, e cila ishte raportuar si e zhdukur, e njëjta është gjetur nga ta, tek halla e tyre dhe gjendja e saj shëndetësore është e mirë.
Sektori Rajonal i Hetimeve, po grumbullon informacione në lidhje me këtë rast”.