Vlera e bitcoinit është rritur të dielën mbrëma, dhe për herë të parë pas mesit të qershorit ka tejkaluar shumën e 39.000 dollarëve, pasi që tregu ka filluar të rimëkëmbet pas shitjes së fundit.

Me kriptovalutë sipas orës 23:05 në New York është bërë tregti me vlerë prej 38.059,84 dollarë.

E sipas të dhënave të CoinDesk, vlera është rritur për afro 11 për qind në raport me të njëjtën periudhë 24 orë më herët.

Bitcoin më parë kishte arritur vlerën e 39.544,29 dollarë, më e larta nga 16 qershori i këtij viti.

Rimëkëmbja e bitcoinit ka rritur vlerën edhe të kriptovalutave tjera, kështu Etherum është rritur për 5,9 përqind, në 2299,55 dollarë.

I tërë tregu i kriptovalutave është rritur brenda 24 orëve për 114 miliardë dollarë, të paktën kështu tregojnë të dhënat e cionmarketcap.com.

Kjo rimëkëmbje ka ndodhur pasi që bitcoin së fundmi pati pësuar rënie të shitje nën vlerën e 30.000 dollarëve, duke nxitur një frikë se mund të bie edhe më shumë.

Komento:

	Komenti