Aksident zinxhiror në Gjilan.

Një aksident i trefishtë ka ndodhur sot në fshatin Bresalc të Gjilanit.

Rastin për Klankosova e ka konfirmuar zëdhënësi i policisë për rajonin e Gjilanit, Ismet Hashani.

Ai deklaroi se të përfshirët në aksident kanë pësuar lëndime të lehta trupore dhe kanë marrë trajtim të menjëhershëm në Spitalin Rajonal të Gjilanit.

“Ju njoftojmë se sot me datën 13.10.2022, rreth orës 18:35, në fshatin Bresalc, komuna Gjilan, ka ndodhur një aksident trafiku ku të përfshira janë tri vetura. Me këtë rast lëndime të lehta trupore kanë pësuar pesë persona, ku pasi kanë marrë ndihmë në emergjencën rajonale të Gjilanit janë liruar në shtëpi. Me rastin janë duke u marrë Policia e Kosovës, Njësiti i Trafikut Rajonal”.

Si shkak i aksidentit zinxhiror janë shkaktuar kolona në këtë aks rrugor.

Komento:

	Komenti