Njësia Speciale e Kosovës është duke zhvilluar aksion të madh në veri të Kosovës.

Edhe një polic tjetër është plagosur sot gjatë aksionit të Policisë së Kosovës në Veri, duke çuar në dy numrin e zyrtarëve policorë të lënduar nga ky operacion.

Burime brenda aksionit policor në Veri të Mitrovicës bëjnë të ditur se ai është plagosur në dorë.

Po ashtu mësohet se polici i parë i cili mbeti i plagosur në këtë aksion i cili u zhvillua në mëngjesin e kësaj të marte në Veri të Mitrovicës, është nga Gjakova dhe është plagosur në pjesën e pasme te kofshës, njofton Klan Kosova.

Ndërkohë serbët lokalë në Zubin Potok kanë bërë barrikadë përderisa janë dëgjuar të shtëna të shumta të armëve.

Situata momentale është e qetë, por ka prezencë të madhe të Policisë së Kosovës.

Një aksion të gjerë ka zhvilluar në orët e para të mëngjesit të sotëm Policia e Kosovës. Burime të sigurta brenda hetuesisë, nga ky aksion janë prangosur dhjetëra zyrtarë të policisë të nacionalitetit serb.

Numri i të prangosurve është i madh. Të gjithë këta dyshohet se janë të përfshirë në krim të organizuar dhe vepra të tjera penale.

Në mesin e të prangosurv eka edhe policë të Kosovës (nga fshatrat e jugut të Mitrovicës). Mirëpo, dominojnë policët e nacionalitetit serb.

Komento:

	Komenti