Rrahman Jasharaj orët s’kompenzohen deri në vendim të gjykatës.

Kryetari i Sindikatës së Bashkuar të Arsimit,Shkencës dhe Kulturës, Rrahman Jasharaj, në një linjë të drejtpërdrejtë telefonike në Info Magazine në Klan Kosova, ka konfirmuar se nesër nuk do të mbahet mësim.

Jasharaj tha:

“ Jo nuk do të ketë mësim. Vendimi i SBASHKUT mbetet në fuqi. Jemi në pritje të vendimit të Gjykatës lidhur me kompensimin e orëve të mësimit. Besojmë se gjykata do të marrë vendim meritor”.

Kreu i SBASHK-ut theksoi:

“Ministria e Arsimit, Shkencës dhe Teknologjisë po bën presion që mësimi të mbahet edhe të shtunën, pra në terren kemi vërejtur se kolegëve tonë po u bëhet presion nga MASHT”.

Ai paralajmëron se “ nëse ky presion vazhdon, Sindikata do ti riaktivizojë grevat”.

Jasharaj, përmendi edhe letrën e dërguar nga kryeinspektori i Ministrisë së Arsimit siç tha ai “pa titull”, që bëjë presion që të kompensohen orët e humbura nga grevat e mbajtura nga punëtorët e arsimit, për shkak të kërkesës së tyre për ngritjen në 30 përqind të koeficientit të pagës.

Në fund Rrahman Jasharaj bëri thirrje “që nxënësit të mos shkojnë në mësim në grupe të vogla por të respektojnë vendimin e SBASHK-ut.

Komento:

	Komenti