Rafael Leao, ka detajuar kërkesat e tij përmes shoqëruesve të tij për zgjatjen e kontratës me AC Milan, sipas një raporti.

Sipas asaj që u shkrua nga La Gazzetta dello Sport Leao mbetet në qendër të negociatave të komplikuara për rinovimin e tij me Milanin, duke qenë se kontrata e tij skadon në vitin 2024 dhe Chelsea shprehu interesin e tyre për dritaren e verës sapo është mbyllur.

Anësori portugez kërkon një shumë prej jo më pak se 7 milionë euro neto në sezon për të vazhduar kontratën e tij me klubin dhe pagesën e kompensimit të plotë që gjykata ka vendosur që ai duhet t’i paguajë Sporting CP, me gjobën totale 16.5 milionë euro plus pak ekstra, përcjell ORAinfo.

Kjo është një shpenzim i konsiderueshëm për Milanin që potencialisht mund të kalojë 60 milionë euro duke pasur parasysh 10.5 milionë euro bruto në vit (me Dekretin e Rritjes) të pagës dhe shumën e gjobës.

Palët do të vazhdojnë të negociojnë dhe në javët në vijim mund të arrihet një marrëveshje duke pasur parasysh vullnetin e fortë të palëve për të gjetur disi një marrëveshje që i kënaq të gjithë./ORAinfo/

Komento:

	Komenti