Është lëshuar për qarkullim tuneli në hyrje të Mitrovicës.
Pas më shumë e 23 javë punë, është lëshuar sot për qarkullim tuneli në hyrje të qytetit të Mitrovicës.
Zëvendësministri i Infrastrukturës dhe Transportit, Rexhep Kadriu, sot mori pjesë në përurimin e tunelit në hyrje të Mitrovicës.
Kadriu, tha se duke pasur parasysh faktin që për 50 vite asnjëherë nuk është investuar në këtë tunel dhe pas shembjes së kurorës së tunelit vitin e kaluar, rinovimi i tij ka qenë i domosdoshëm për të gjithë ata që e frekuentojnë këtë rrugë.
Ai shtoi se edhe vonesa në përmbyllje të punimeve është bërë shkaku i intervenimeve të nevojshme shtesë, sipas standardeve më te larta për evitimin e rreziqeve që kanë ekzistuar paraprakisht në tunel.
Kryetari i komunës së Mitrovicës Agim Bahtiri, e falënderoi ministrinë për këtë punë të shkëlqyeshme dhe të nevojshme në këtë tunel.
Ky tunel ka gjatësi prej 250 metra, me gjerësi prej 6.5 metra, kurse vlera e investimit në riparimin e tij është afër 380 mijë euro.
Tuneli është punuar sipas parametrave të parapara për këtë kategori tunelesh dhe ka tërë infrastrukturën e nevojshme.
Kujtojmë se për këtë tunel ishte paraparë që punimet të zgjasin vetëm 60 ditë.
-5 °C
