Foli me Lewandowskin në fushë, këtë përgjigje interesante ka Messi për mediat.

Lionel Messi dhe Robert Lewandowski u panë në një moment pas ndeshjes së mbrëmshme duke biseduar së bashku.

Shtatë herë fituesi i “Topit të Artë”, Leo Messi pati një paraqitje të mirë mbrëmë ku mposhti Poloninë me një lojë të mirë me rezultat 2-0.

Pavarësisht se ai nuk shënoi dhe huqi një penallti, Messi ishte krucial në këtë ndeshje ku me pasimet e tij vazhdimisht lironte lojtarët e sulmit dhe krijonte shanse të mira goli për të shënuar.

Pas ndeshjes, Messi u pyet për një bashkëbisedim që pati me Lewandowskin dhe Messi pati një përgjigje shumë interesante.

“Me kanë mësuar që ‘çfarëdo që ndodh në fushë, qëndron në fushë’. Njëjtë edhe për dhomat e zhveshjesh. Asgjë nga ato që biseduam privatisht nuk del jashtë prej meje”, ka shtuar argjentinasi.

Gjatë ndeshjes kishte spekulime që Messi e injoroi Lewandowskin. Por, biseda në fund i hodhi poshtë këto pretendime.

Komento:

	Komenti