Limaj zbulon detaje para shkuarjës në dialog, ja çka pritet – Ora Info Ballina | ORAinfo.com - Nuk ndalet

Limaj zbulon detaje para shkuarjës në dialog, ja çka pritet

20:48 | 14 Shkurt 2019

Fatmir Limaj, ka thënë se Kosova shkon në dialog me Serbinë për të marrë njohjen.

Bashkëkryesuesi i Delegacionit shtetëror për dialogun me Serbinë ka thënë se gjëja e parë që duhet ta kenë të qartë të gjithë është: “ne nuk negociojmë statusin tonë”.

Limaj në një intervistë për televizionin publik ka zbuluar detaje ekskluzive nga përmbajtja e platformës.

Ai ka thënë se platforma ka marrë mbështetjen e drejtuesve kryesor të shtetit.

Me pas zëvendëskryeministri ka lexuar disa nga parimet e kësaj rezolute

“Qëllimi kryesor i Republikës së Kosovës është që nga Republika e Serbisë të sigurojë njohjen dhe pranimin e qartë të sovranitetit të Kosovës si shtet i pavarur, me zotime ligjerisht të detyrueshme. Nuk ka marrëveshje pёr asgjë deri sa tё mos ketё marrëveshje pёr gjithçka. Siç ёshtё theksuar nё Parimin 1, njohja e ndërsjellë duhet tё jetё rezultati primar.

“Çdo marrëveshje përfundimtare duhet të jetë plotësisht në përputhje me Kushtetutën e Republikës së Kosovës, e cila parasheh që “sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm dhe mbrohet me të gjitha mjetet e përcaktuara me këtë Kushtetutë dhe me ligj” (Neni 2(2)). Integriteti territorial i Kosovës garantohet gjithashtu nga e drejta ndërkombëtare”, ka thënë Limaj duke lexuar përmbajtjen e platformës.

Më tutje, ai ka thënë se dalëngadale situata po kthehet në normalitet.

“Kjo platformë është sinjali i parë. Për herë të parë kemi një platformë e cila duhet ta unifikonte zërin e Kosovës ku qartësisht do të dihej se cilat janë pozicionet tona dhe reflekton kërkesat e të gjitha grupeve politike dhe të shoqërisë sonë për të mbyllur temat e hapura me shtetin tonë fqinjë, Serbinë”, ka shtuar Limaj.

Kryetari i Nismës thotë se dialogu është i pa alternative.

“Gatishmëria e Kosovës për tu ulur në tavolinë nuk duhet të keqpërdorët. Ne thjesht e shprehim vullnetin tonë për dialog”, ka theksuar Limaj.

Në platformë nuk janë harruar as shqiptarët e Luginës për të cilët Limaj thotë se do të kërkohet të gëzojnë të drejtat në mënyre reciproke si serbët në Kosovë.

Komento: