Milani do të nënshkruajë me një qendërsulmues të ri në verë, me Gianluca Scamacca dhe Alvaro Morata që thuhet se janë në krye të listës së ngushtë të kuqezinjve.
Geoffrey Moncada dhe Giorgio Furlani po bëjnë vlerësimin e tyre në lidhje me një qendërsulmues të ri për 2023-24.
Sipas La Gazzetta dello Sport, sulmuesi i West Ham, Scamacca është objektivi i tyre kryesor dhe kuqezinjtë do të vazhdojnë bisedimet me Hammers në ditët në vijim. Gazeta përmend gjithashtu Mehdi Taremin e Portos si një objektiv të mundshëm për kuqezinjtë, por reprezentuesi iranian do të mbushte vendin e dytë dhe të fundit për lojtarët jo-BE në Stadio Meazza.
Lois Openda i Lens është lidhur gjithashtu me një kalim te Milani, por negociatat mes dy klubeve nuk janë në zhvillim për momentin. E njëjta gjë është edhe për Jonathan Davidin e Lille.
Burime të shumta në Itali, duke përfshirë Sky Sport dhe Daniele Longo, thonë se Morata është një objektiv më konkret për gjigantët e Serie A.
Reprezentuesi spanjoll do të vazhdojë me Atletico Madridin deri në vitin 2026, por do të ketë një klauzolë prej 10 milionë euro në marrëveshjen e tij me Colchoneros, një tarifë që i përshtatet strategjive të transferimit të Milanit.
Sport Mediase raportoi javën e kaluar se kuqezinjtë kishin hapur bisedimet me ish-sulmuesin e Interit, Mauro Icardi, i cili u kthye në PSG pas një huazimi njëvjeçar te Galatasaray.
Bashkëshortja dhe agjentja e tij Wanda Nara ka postuar së fundmi një emoji me orë rëre në Instagram përballë Milan’s Dome, duke sugjeruar se diçka mund të ndodhë së shpejti. Megjithatë, bisedimet mes kuqezinjve dhe argjentinasit nuk duket se janë në një fazë të avancuar.
Milani e kishte bërë Marcus Thuram objektivin e tyre kryesor për sulmin, por francezi refuzoi ofertën e tyre, duke zgjedhur rivalët e qytetit Interin.
Sulmuesi iu nënshtrua testeve mjekësore me Nerazzurrët mëngjesin e së martës . Po kështu, Romelu Lukaku nuk është i gatshëm të nënshkruajë për kuqezinjtë dhe dëshiron t’i bashkohet Interit në një transferim të përhershëm nga Chelsea.
-0 °C
