Arrihet marrëveshja, Liverpooli paguan klauzolën e Szoboszalit.

Liverpooli raportohet se ka siguruar shërbimet e Dominik Szoboszlai.

Eksperti i transferimeve, Fabrizio Romano, ka raportuar se Liverpooli do të paguajë klauzolën e tij të largimit nga Leipzigu, shkruan Gazeta Express.

Leipzigu tani thuhet se është informuar se klubi anglez do të paguajë klauzolën prej 70 milionë eurosh.

Sipas Romanos, marrëveshja tashmë është e përfunduar dhe do të nënshkruhet së shpejti.

22-vjeçari gjithashtu ka marrëveshje me Liverpoolin rreth kushteve personale, teksa ai është gati edhe për testet mjekësore.

Reprezentuesi hungarez regjistroi 46 paraqitje me Leipzigun në të gjitha garat sezonin e fundit, shënoi 10 gola dhe kontribuoi me 13 asistime.

Komento:

	Komenti