Ljajic thotë se nuk mund të presim që lejlekët të na kthejnë Kosovën – Ora Info Ballina | ORAinfo.com - Nuk ndalet

Ljajic thotë se nuk mund të presim që lejlekët të na kthejnë Kosovën

10:49 | 27 Maj 2019

Rasim Ljajic thotë se nuk mund të presim që lejlekët të na kthejnë Kosovën.

Ekziston një unitet absolut në qeveri se konflikti i ngrirë në Kosovë nuk është në interesin e Serbisë, se koha në këtë rast nuk është aleati ynë dhe se Serbia duhet të luajë një rol aktiv në gjetjen e një zgjidhjeje të qëndrueshme dhe afatgjatë të problemit, në vend që të presim që lejlekët ta kthejë Kosovën në sistemin kushtetues dhe ligjor të Serbisë.

Kështu tha ministri i Tregtisë dhe Telekomunikacionit të Serbisë, Rasim Ljajic.

Në një intervistë për numrin e sotëm të gazetës “Blic”, ai tha se nuk do të marrë pjesë në seancën e asamblesë, në të cilën presidenti serb Aleksandar Vuçiq do të paraqesë një raport mbi Kosovën sepse ai do të diskutojë me homologun e tij Mirko Sharoviq në Sarajevë për siç tha “dëmin që ka shkaktuar taksa e Kosovës për ekonominë e Serbisë dhe Bosnjë e Hercegovinës”.

Nga nëntori i vitit të shkuar autoritetet kosovare kanë vendosur taksën prej 100 për qind ndaj produkteve me origjinë nga Serbia.

Komento: