Milan pritet që shumë shpejt ta zyrtarizoj transferin me të ri.
Ismael Bennacer do të kompletojë lëvizjen e tij nga Empoli tek Milan në ditët e ardhshme.
Ylli algjerian u shpall lojtari me i mirë i turneut në Kupën e Kombeve Afrikane, ku kombëtarja e tij, Algjeria u shpall kampione e këtij kompeticioni.
Drejtori sportiv i Empolit, Pietro Accardi foli Gazzetta dello Sport për lojtarin dhe kontributin e tij të mundshëm në San Siro.
“Ismaeli është një luftëtar, tifozët e Milanit do ta duan, kemi skautues të mirë në Europë dhe kur gjejmë profilin e duhur, ne përpiqemi të mos i lëmë ata të ikin”, ka thënë Accardi.
Ai ka konfirmuar interesimin e Milanit, duke thënë se bisedimet kanë avancuar për transferimin e lojtarit dhe zyrtarizimi i tij në ‘San Siro’ është çështje ditësh. /ORAinfo/