Lufta mes Ukrainës dhe Rusisë është larg përfundimit.

Ron Klain, i cili është shefi i stafit të Shtëpisë së Bardhë, ka thënë se lufta në Ukrainë është larg përfundimit.
Ai tha se Shtetet e Bashkuara të Amerikës dërgojnë armë në Ukrainë pothuajse çdo ditë.

“Unë mendoj se ukrainasit po e fitojnë luftën rreth Kievit dhe në pjesën veriore të vendit. Dhe kjo është një meritë e jashtëzakonshme për luftimet që ata kanë bërë dhe për mbështetjen që Shtetet e Bashkuara dhe aleatët tanë të NATO-s u kanë dhënë atyre”, tha Klain, shkruan CNN, transmeton Klankosova.tv.

Më tej, ai vazhdoi duke thënë se mendohet se ka shumë prova se Putin thjesht po i ripozicionon trupat në pjesën lindore të Ukrainës për ta rinisur një betejë atje.

“Kështu që unë mendoj se ka pasur fitore për ukrainasit deri më tani, por kjo luftë, për fat të keq, është larg nga përfundimi”, ka thënë Klain.

Komento:

	Komenti