Abdixhiku: Koeficienti i zbrazjes së Kosovës, Qeveria goditi sërish qytetarët.
Kryetari i Lidhjes Demokratike të Kosovës, Lumir Abdixhiku ka reaguar pas publikimit të koeficientit prej 105 euro për pagat në sektorin publik.
Sipas tij, qeveria me këtë koeficient ka treguar “pandjeshmëri” ndaj qytetarëve dhe shton se është “është braktisje e njerëzve të vendit; që shkakton braktisjen e tyre të vendit”.
Postimi i plotë:
Koeficienti i zbrazjes së Kosovës!
Në krizën më të madhe ekonomike e sociale ndër vite, Qeveria sërish tregoj pandjeshmëri.
Pandjeshmëri ndaj përballjes qytetare, ndaj rritjes së kostos së jetesës, ndaj vet njerëzve të këtij vendi.
Koeficienti në vlerë prej vetëm 105 është goditje e radhës ndaj mjekëve, mësuesve, policëve, ushtarëve e gjithë shërbyesve publik. Është braktisje e njerëzve të vendit; që shkakton braktisjen e tyre të vendit.
LDK-ja ka propozuar koeficient në vlerë prej 125. Gjithçka më pak se aq është ulje e pagave për disa e mosrritje për të tjerët. Është injorim i inflacionit e kushteve të rënduara të jetesës. Këtë propozim do të dërgojmë menjëherë edhe si amandament në Kuvend.
Një qeveri të shpërputhur nga realiteti, vendi ynë nuk e meriton. Kosova meriton më mirë, Kosova mundet më shumë.
11 °C
