Lutfi Haziri i LDK-së thumbon Kurtin: Gjysma e Qeverisë thotë s’ka Asociacion, gjysma tjetër thotë ka

21:15 | 30 Prill 2023

Emisari i Bashkimit Evropian për dialogun Kosovë-Serbi, Miroslav Lajçak, ka bërë të ditur se në takimin e paralajmëruar për 2 maj, në mes të kryeministrit të Kosovës, Albin Kurti, dhe presidentit të Serbisë, Aleksandar Vuçiq, do të jetë pjesë e agjendës draftstatuti i parë i Asociacionit të komunave me shumicë serbe.

Për këtë çështje sot ka folur nënkryetari i LDK-së, Lutfi Haziri, i cili ka thumbuar jo pak Qeverinë Kurti.

Haziri përmes një postimi në Facebook ka shkruar se gjysma e Qeverisë aktuale thotë nuk ka Asociacion, gjysma tjetër thotë ka.

Ai ka kritikuar më tej kryeministrin Albin Kurti duke thënë se me ndërmjetësin ndërkombëtar ka bërë marrëveshje, para deputetëve zbulon ‘tradhtarët’ e para popullit nuk ka bërë asgjë.

Postimi i tij i plotë:

Gjysma e Qeverisë aktuale thotë nuk ka Asociacion, gjysma tjetër thotë ka
Në takimin e 2 majit do të diskutohet draft-statuti i Asociacionit të Komunave me Shumicë Serbe, që Kurti e ka quajtur Zajednicë.

Madje për Asociacionin, kryeministrit Kurti do t’i paraqitet draft-statuti i këtij mekanizmi pa e takuar grupin punues të Kosovës, pa e ditur përbërjen sipas tyre të këtij grupi punues dhe pa e ditur se çka kanë punuar, dhe në çfarë niveli ka mbërri niveli i këtij draft-statuti.

Me marrëveshjen e Ohrit, Kurti u mundua ta kamuflojë si ndryshim i marrëveshjes 2013-2015.

Gjysma e Qeverisë aktuale thotë nuk ka Asociacion, gjysma tjetër thotë ka. Me ndërmjetësin ndërkombëtar ka bërë marrëveshje, para deputetëve zbulon ‘tradhtarët’ e para popullit nuk ka bërë asgjë!

Komento: