Manchester City, i ka ofruar Riyad Mahrez një zgjatje afatshkurtër të kontratës në Etihad Stadium, zbulon një raport.

31-vjeçari së shpejti do të hyjë në 12 muajt e fundit të marrëveshjes së tij ekzistuese me kampionët e Premier League dhe është lidhur vazhdimisht me një largim gjatë vitit të kaluar, përcjell ORAinfo.

Mahrez luftoi për lojë të rregullta në Premier League nën drejtimin e Pep Guardiolës sezonin e kaluar, duke bërë 11-shen e parë në vetëm 15 raste në ligën e parë, por megjithatë ai ishte një lojtar kyç.

Ish-lojtari i Leicester City shënoi 24 gola dhe siguroi nëntë asistime në 46 paraqitje për Man City në të gjitha garat, duke përfshirë shtatë gola në Champions League.

AC Milan ka qenë i lidhur fort me një transferim veror për Mahrez, por sipas Foot Mercato, Guardiola dëshiron ta mbajë algjerianin në rezervime për pak kohë më gjatë./ORAinfo/

Komento:

	Komenti