Mainz tronditë Bayernin, i lë hapësirë Dortmundit ta kaloj.

Mainz e ka befasuar Bayernin, duke e mposhtur me rezultat 3-1, në kuadër të xhiros së 29-të në Bundesliga.

Golin e parë në ndeshje e realizoi Sadio Mane, në minutën e 30’. Ky është rezultat i pjesës së parë, pasi nuk pati më gola.

Në pjesën e dytë Mainz realizoi tri herë. Fillimisht shënoi Ludovic Ajorque në minutën e 65’, teksa në minutën e 73’, Leandro Martins e kaloi për herë të parë në ndeshje në epërsi Mainzin.

Golin e fundit dhe të vulosjes së fitores e realizoi Aaron Martin, në minutën e 79’.

Bayerni edhe pas humbjes mbetet në vendin e parë me 59 pikë, pas 29 ndeshjeve, me dy pikë më shumë se Dortmundi, që është në vendin e dytë.

Komento:

	Komenti