Ish-drejtori i Milanit, Paolo Maldini ka konfirmuar se për 10 ditë u përpoqën të sillnin Lionel Messin në San Siro kur ai u largua nga Barcelona.

Legjenda kuqezi po fliste me aktorin Giacomo Poretti në emisionin e tij PoretCast dhe foli për karrierën e tij, si lojtar dhe si drejtues.

Kjo përfundoi me shkarkimin e tij në qershor, por ai zbulon se kishte plane për të arritur diçka të jashtëzakonshme për kuqezinjtë.

“Për 10 ditë ne u përpoqëm të sillnim Messin në Milano, por më pas e kuptuam se ishte e pamundur”, ka rrëfyer fillimisht Maldini.

“Tani është tepër vonë, por një lojtar si Messi është një spektakël për cilindo që mund ta dëshmojë”.

“Kur lexova se ai mund të shkojë edhe në Inter, u tremba!”, përfundoi italiani.

Fituesi i Topit të Artë, Messi ishte një lojtar i lirë kur kontrata e tij me Barcelonën skadoi në verën e vitit 2021 dhe Blaugranët nuk mund të përballonin më regjistrimin e tij.

Pas disa javësh pasigurie dhe propozimesh që erdhën nga qarqe të ndryshme, Messi më në fund nënshkroi për Paris Saint-Germain në gusht 2021, ku luajti vetëm dy vjet dhe argjentinasi tani është transferuar te Inter Miami në MLS.

Komento:

	Komenti