Mali i Zi para një muaji refuzoi pesë respiratorë si donacion nga Serbia – Ora Info Ballina | ORAinfo.com - Nuk ndalet

Mali i Zi para një muaji refuzoi pesë respiratorë si donacion nga Serbia

14:41 | 18 Prill 2020

Para një muaji Mali i Zi refuzoi pesë respiratorë si donacion nga Serbia.

Më 27 mars, Mali i Zi kishte refuzuar donacionin e Serbisë që i kishte përgatitur për pacientët malazezë, duke planifikuar t’ua jepte pesë respirator që shërbejnë për t’iu dhënë frymë artificiale pacientëve të prekur me COVID-19. Ndërkohë, Republika e Kosovës pranoi një ditë më parë një mijë teste për COVID-19.

Presidenti i Këshillit Kombëtar për Emergjenca të Malit të Zi, Milutin Simunovic, e kishte porositur presidentin serb se nuk ka nevojë të brengoset për Malin e Zi. Me atë rast i refuzoi respiratorët që do të ndaheshin edhe për popullin e rrezikuar serb në Mal të Zi se ata nuk e caktojnë prioritetet sipas etnisë, kishte shkruar Kuriri serb.

“Do të gjendemi ne. Për fat të mirë ka shtete e tregje në të cilat është e mundur me paratë tona të blejmë pajisjet e munguara, siç blinim në Serbi ushqimin për të cilin flet presidenti serb. Ka shtete ku është e mundur që me shtëpitë e tyre tregtare të pajtohemi për blerjen e mallrave të prodhuar në tregjet e treta, e të cilat nuk do të ju merren siç na ndodhi me respiratorët në Serbi” shkruhet në porosinë në rrjetin social Twitter.

Simovic shtoi me cinizëm se janë posaçërisht mirënjohës për shtesën e dy respiratorëve, që Aleksandar Vucic do të shtonte donacionit në bazë të marrëveshjes me partitë serbe në Mal të Zi njofton televizioni publik malazez RTCG.

“Supozojmë se kjo është si shprehje e brengës për gjoja popullin e rrezikuar serb në Mal të Zi. S’ka nevojë për këtë. Ne në Mal të Zi nuk i kalibrojmë pajisjet mjekësore sipas frekuencave etnike. Mali i Zi është shtet i përgjegjshëm dhe i organizuar qytetar që është në gjendje që edhe në rrethanat më të rënda të pandemisë së korona virusit secilit qytetar t’i ofroj mbrojtjen maksimale të mundshme” tha Simovic.

Qeveria malazeze e kishte postuar këtë përgjigje në llogarinë zyrtare të tyre në rrjetin social Twitter, e pastaj edhe përgjigjen e ministrit të shëndetësisë së Malit të Zi, Kenan Hrapovic, që ishte edhe më i zemëruar e cinik me përfitimin e Serbisë nga pandemia për qëllime të tyre politike karshi malazezëve.

“Falënderoj Vucicin për ofertën që ta japë donacion tre respiratorët tonë që i porositëm për shëndetësinë malazeze. E vlerësojmë seriozitetin e gjendjes në shtetin fqinjë dhe besojmë se ato mjete në këtë moment janë më të nevojshme në sistemin shëndetësor të Serbisë”

Komento: