Malisheva pa energji elektrike, reagon kryetari Ekrem Kastrati.

Kryetari i Komunës së Malishevës, Ekrem Kastrati i ka bërë thirrje kryeministrit Albin Kurti, ministres së Zhvillimit Ekonomik, Artane Rizvanolli, KOSTT-it/KEDS-it, që të marrin masa urgjente, që kjo komunë të furnizohet me energji elektrike, në mënyrë të barabartë si çdo komunë e Kosovës.

Ai ka shkruar se është viti i dytë më radhë që pikërisht në sezonin e dimrit, Malisheva bashkë me qytetarët e saj, mërgimtarët dhe bizneset, marrin goditjen më të rëndë të mundshme, atë të mungesës së energjisë elektrike, për më shumë se 20 orë pa rrymë.

“Mos na diskriminoni, por veproni sepse qytetarët e Malishevës, nuk e durojnë poshtërimin që po ua bëni”, ka shkruar ai.

Ndërkohë, KEDS mbrëmë ka thënë se mjegulla po ua vështirëson punën ekipeve në terren.

Komento:

	Komenti