Sipas La Gazzetta dello Sport, Manchester City i është bashkuar Chelseat në garën për të nënshkruar me Rafael Leao, i cili i ka kërkuar Milanit të paguajë një pjesë të tarifës që i detyrohet Sporting CP.
Kontrata e Leaos në San Siro skadon në qershor 2024 dhe Paolo Maldini ka nisur negociatat me përfaqësuesin e sulmuesit Jorge Mendes.
“Ne kemi filluar të flasim shumë kohë më parë me Rafa, Bennacer dhe Kalulu. Unë gjithmonë besoj se ajo që dëshiron lojtari ka shumë rëndësi në këto situata”, tha drejtori Maldini javën e kaluar.
Sipas raportit, Leao është i gatshëm të qëndrojë në Milano, por ka kërkuar një pagë prej 7 milionë euro në vit dhe pret që kuqezinjtë të bashkohen me Lille duke paguar një pjesë të parave që i detyrohet Sporting CP.
Ylli portugez u urdhërua t’i paguante rreth 19 milionë euro ish-klubit të tij pasi e ndërpreu kontratën e tij në mënyrë të njëanshme në 2018. Leao iu bashkua Lille si një transferim i lirë dhe më pas Milanit për 30 milionë euro në 2019.
Gjigantët e Serisë A mund të vendosin në tavolinë 6.5 milionë euro në vit, kështu që hendeku midis ofertës dhe kërkesës nuk është saktësisht një problem. Megjithatë, mbetet për t’u parë nëse kuqezinjtë janë të hapur për të paguar një pjesë të gjobës së Leaos.
Chelsea kishte bërë një lëvizje për të nënshkruar me 23-vjeçarin në verë, por Milani refuzoi ofertat nga Stamford Bridge, duke këmbëngulur se Leao do të largohej vetëm për klauzolën e tij prej 150 milionë euro.
Blutë nuk janë ende të gatshëm të ofrojnë aq shumë, por do të ishin gati të finalizonin një marrëveshje për 120 milionë euro. Sipas Gazzetta-s, Manchester City gjithashtu po ‘monitoron dosjen’ edhe pse Milani do të bëjë gjithçka që mundet për të zgjatur qëndrimin e Leaos në San Siro.
2 °C
