Man City nuk lejon befasi në ‘Etihad’, përmbys Tottenhamin.

Ka përfunduar derbi në mes Man City dhe Tottenham.

City mposhti me përmbysje fenomenale 4:2 Tottenham, shkruan lajmi.

Fillimisht, rezultatin i pari e zhbllokoi Dejan Kulsevski, i cili kaloi Tottenhamin në epërsi prej 1:0 në minutën e 44’, kurse Emerson Royal shënoi në minutën e 45+2’ për 2:0.

Pjesa e parë u mbyll me rezultat 2:0 në favor të Tottenhamit.

Pjesa e dytë nisi furishëm për ‘Citizens’, pasi shënuan dy herë brenda pak minutash.

Fillimisht ishte Julian Alvarez që në minutën e 51’ pas një tollovie në zonë ngushtoi rezultatin në 1:2.

Kurse dy minuta më vonë ishte Erling Haaland që me kokë shënoi dhe çoi shifrat në 2:2.

Rast të mirë shënimi kishte edhe Riyad Mahrez, por goditi jashtë kornizës së portës.

Në anën tjetër Tottenham krijuan një super-mundësi me Ivan Perisic, por lojtari nuk arriti të realizoi.

Kurse, Man City arritën të rikthejnë rezultatin në favor të tyre.

Në minutën e 64’ Mahrez realizoi një supergol, për rezultatin 3:2 në favor të ‘Citizens’.

Algjeriani shënoi edhe njëherë në këtë takim, duke vulosur gjithçka rreth fituesit.

Me këtë fitore Man City kanë 42 pikë në vendin e dytë.

Kurse Tottenham ndodhen në pozitën e pestë me 33 sosh.

Komento:

	Komenti