Manchester United ka fituar kundër Barcelonës në Old Traford për ta eliminuar nga Liga e Europës. Lewandowski (18’) shënoi nga penalltia për Barcelonën kurse Fred (47) dhe Antony (73’) shënuan për Manchester United. Djajtë e Kuq kalojnë në 1/8-ën e finales së Ligës së Europës.
Manchester United është rikthyer për të fituar kundër Barcelonës me rezultat 2-1 dhe për të kaluar kështu në 1/8-ën e finales së Ligës së Europës.
Minuta e tretë shënoi rastin e parë për të shënuar nga Manchester United. Ai ishte një më një me portierin ter Stegen por gjermani bëri një pritje të mahnitshme.
Bruno Fernandez bëri një tërheqje nga fanella në minutën e 16-të për të shkaktuar penallti në zonë të cilën në minutën e 18-të në gol e shndërroi Robert Lewandowski.
Kessie shumë lehtë ka mundur që të shënojë gol në minutën e 45-të te ndeshjes por që Martinez e bllokoi për mrekulli goditjen e tij.
Në pjesën e dytë ishte Manchester United që filloi shumë më mirë.
Bruno Fernandez bëri një pasim të Fred që u lirua mirë nga mbrojtja e Barcelonës për të barazuar rezultatin në 1-1 në minutën e 47-të.
Jules Kounde ishte shumë afër për të shënuar gol me kokë por ishte de Gea që bëri një pritje të mahnitshme për t’ia mohuar golin francezit.
Minuta e 73-të shënoi përmbysjen e rezultatit në këtë ndeshje.
Pas tri tentimeve për gol nga United topi shkoi tek Antony që goditi me të majtën e tij dhe shënoi golin e avantazhit.
Deri në fund të ndeshjes, Barcelona pati edhe një rast por që nuk rezultoi me gol dhe kështu u eliminua nga Liga e Europës dhe tani do të koncentrohet në fitoren e titullit në Spanjë.
United nesër do ta mësojë kundërshtarin e radhës në Ligën e Europës në shortin që do të hidhet të premten.
2 °C
