Man Utd triumfon pastër ndaj Tottenhamit.

Manchester United e ka shënuar fitoren e gjashtë kampionale sonte.

“Djajtë e Kuq” triumfuan pastër 2:0 në shtëpi ndaj Tottenhamit, në derbin e javës së 12-të në Premierligë.

Pjesa e parë u mbyll pa gola të shënuar, me vendasit që patën rastet më të mira shënimi, shkruan Gazeta Express.

Me të nisur pjesa e dytë, Fred shënoi për 1:0 në minutën e 47-të të ndeshjes.

Për 2:0 u përkujdes Bruno Fernandes që shënoi një gol të bukur në minutën e 69-të të ndeshjes.

Me këtë fitore, Manchester United tani shkon në kuotën e 19 pikëve në vendin e pestë, vetëm një pikë larg Chelseat që mban pozitën e katërt.

Në anën tjetër, Tottenham mbetet në vendin e tretë me 23 pikë të grumbulluara, katër më pak se lideri Arsenali që e ka edhe një ndeshje më pak të zhvilluar.

Komento:

	Komenti